جيـت اتغـلا وليتنـي ماتغليـت
العيد جبتـه يـوم جيـت اتغـلا
كنت احسب إني لوتغليت ماخطيت
أثره صحيح إن من تغـلا يخـلا
كان الهدف من صدتي يوم صديت
أشوف في قلبـك اذا لـي محـلا
لاتحسب إني صامل يـوم قفيـت
القلب رافض عن هـواك يتخـلا
ماتدري إنك من على دنيتي جيت
شفت البدر فـي دنيتـي لا تجـلا
وماتدري إنك كل ما جيت لبيـت
كنك تناديني ولـك القلـب هـلا
وماتدري اني لالمحتـك تفديـت
اشوف حبك في فـؤادي استحـلا
لاجيت اوصف فيك يابنت ازريـت
لان الخلايق مـن حـلاك اتحـلا
إن شفت عينك تهت فيها وتعنيت
ورموش عينك ذي سيوف تسـلا
لاسلهمت عينك توهقت وعانيـت
تنشب رموشك في بعضها واتبـلا
والحاجب المقرون في حله ابليت
لغز صعيب ومالقـا مـن يحـلا
والخشم رسمه لا نظرته تباهيـت
والقلب لاشافه من الهـم يسـلا
وعليك مبسم من حلاته استجنيت
جمر حمر ماخوذ من نار تصـلا
وعليك شعـرِ ِ لانثرتـه وفليـت
كن الظلام يحل والصبـح يجـلا
وعليك وخصرِ ِ في وصوفه تغنيت
خصر نحيل وفـي جمالـك تعـلا
وعليك مشيه تذبح إليا تمشيـت
كنك تعـد إخطـاك والقلـب ولا
هذا الذي في دنيتي بـس حبيـت
اللـي يبينـي خـل وابيـه خـلا
لاجيت اوصف فيك يابنـت ذليـت
اخاف اوصف شي والناس تبـلا
يـاأم الحـلا ليتنـي ماتغلـيـت
العيد جبتـه يـوم جيـت اتغـلا
اتمنى ان تنال على اعجابكم
جيت اتغلى وليتني ما تغليــــت
