بسم الله الرحمن الرحيم والصلاه والسلام على اشرف المرسلين وبعد انا مريت على المواضيع والقصص الي كاتبينها الشباب الله يجزاهم خير لقيت ان كلها قصص مؤثؤه ومحزنه والمؤلم بها انها ماهي من نسج الخيال انها من الواقع لكن مانقول غير الله يستر على خمايرنا ويستر على كل مسلم يعني عائله كامله يغتصبون بليله وحده حرام انها تكدر الخاطر مير نحمد الله سبحانه وتعالى ونقول انه الدنيا باقي بخير فقلت بدال مااكتب قصه اعرفها او سمعتبها مع الناس احاول ااؤلف قصه من راسي يعني من نسج الخيال اتمنى تنول على استحسانكم وتعجبون بها واذا به اي ملاحظات لااحد يستحي .....
نزال والااشرار
الفصل الاول
نزال شاب طموح يبلغ من العمر 23 ربيعا المهم الرجال شغال بشركه كيان بالجبيل الصناعيه توه مداوم هووجهه مره من المراير خذاله اجازه وقال مالي غير اروح لحايل واروح لااهلي واقعد معهم المهم الرجال شغل موتره وانطلق على حايل ابد داعس الرجال مشتاق لاهله ولاخوياه الرجال وصل حايل الساعه 4 عصرا هووجهه وماصدق على الله يشوف حايل ويشوف بيتهم الرجال البسمه شاقتن وجهه يحقله المهم خش وسلم على ابوه ولعى امه وعلى اخوانه واعطاهم علومه واعطوه علومهم وتقهوو واكلو تمر وهاتك يا سوالف لين المغرب قامو توضو وصلو وراحو للمسجه هو واخوانه وابوه الله يجزاهم خير وصلو واطلعو من المسجد ويقابلك نزال اخوياه الى هم عبد العزيز وماجد الى يعتبرون عنده في منزله الاخوان وهاتك يا سواليف المهم جلس معهم نزال شوي وقلهم انتم فاضين انا توي جاي بروح لااهلي اسولف معهم وبكره نتواجه قالو خلاص رجع نزال للبيت هووجهه فرحان يعنني الولد المهم كل البيت يدلعه لانه توه جاي امه سوتله سندويشه جبن مع شاي بارد وهاتك يا عشى شوي نزال يدلع على امه قالها يايمه قالت ولعنه وش تبي قالها بالله سويلنا قرصان قالت يامال الحيه الى تقرصك وكرشته واذا به يلقط وجهه المسكين استمر نزال على ذا الحال لمده 3 ايام وطفش الولد قال مالها غير اروح للبر انا واخوياي المهم جهز عزبته كامله وجهز الموتر قال بصلي فجر واتصل على العيال ونمشي المهم صلى فجر الرجال ودق على عبد العزيز الو عبد العزيز هلا وغلا نزال كيف حالك وش اخبارك عبد العزيز يرد بخير يامال الخير انت وش علومك وش الدنيا بك قال ابد بخير ونعمه قاله نزال جهز نفسك الحين امرك قال عزوز على وين انشاء الله قال نزال بنروح للبر نوسع صدورنا عزوز يرد على نزال لاياشيخ البر بهالقيض قاله نزال من زين خشتك خايف من الحر قاله عزوز اطلع لحالك نزال يحاول به عيى عزوز وسحب على نزال قال نزال اقلب وجهك يالتريله ماابيك تطلع معي بتصل على ماجد ترن ترن الو مجودي كيف حالك المهم عطاه السالفه ومع الاسف الشديد رد عليه ماجد بنفس رد عزوز قفلت بلوف نزال وقال والله غير اطلع لحالي وشغل موتره وطلع ........
الفصل الثاني
وماشي بالنفود الرجال مبسوط مشغل هالهجينيه ومسوي رايق المهم خش بالبر يمكن حول 70 كيلو متر الرجال متحمس هووجهه والله لين وصل هالك الغابه الى بوسط البران يعني واحه نزال انبسط هو وخشته يحقله شاف هالخضره وهالنعمه والمياه الجاريه والعصافير تنشد والله قال مالي غير اتكي هنا لبق الرجال ونزل عزبته وشب الضو وزين دلته وقام يتقهوى ويتبطح بهالغابه يتذكر ايامه ويتذكر اخوياه الى سحبو عليه اثناء ماهو يقلب شريط الذكريات الى يسمع صوت جاي من وراى المهم الشيطان قام يوسوسله مره يوقوله جني يقوله نزال وش هالجني الى بيطلع الصبح مره يقله يمكن اسد يقله نزال قم بس قم تعب الشيطان منه وقاله الشرهه ماهي بعليك الشرهه على الي يوسوسلك وسحب على نزال قاعد نزال شوي والى الصوت يطلع وش هالصوت ابد تقول صوت مهاوشه شوي الى الصوت يعلى ويقرب منه المهم نزال قام بيشوف وش السالفه عاد نزال شجاع مايفكر بااحد المهم نزال راح يدور عن مصدر الصوت والله وهو يمشي والى يلقالك هاك البنيه يا سبحان الله بنيه بالغابه بنيه مثل القمر لالا الى القمر مثلها باختصار بنيه في منتهى الجمال صارووخ مدمره طلقه قطعه( احلى من لميس الى تجي بالم بي سي ) الرجال فك خشته يطالع بها وقام يهوجس وش جاب هالبنيه بذا عاد تصرف نزال بدافع الشهامه الى يمتاز بها ابناء المملكه العربيه السعوديه قالها وش عندك يابنت الاجواد قالتله الحين خبيني فيه اشرار هنا قالها طيب والله وياخذها ويروحون يم سيارته نزال من دلاخته يوم راح للبر مااخذ معه سلاح ( امحق راعي بر ) قال وش الحل المهم فك الشنطه لقى مفك عجل +مفل 14 + واير سحب اخذ كل هالاسلحه وحطها معه قال والله لو يجون غير اقلب وجيههم مخرطه المهم الرجال سال البنت وش اسمك قالت هديل قالها عاشت الاسامي وش سالفتك ياهديل قالت جينا للبر انا واهلي نبي نتمشى واحنا جالسين جونا ناس اشرار وقتلو ابوي وامي وانا وحيدتهم قالها والدموع تملا عيناه بالله صدز قالت هذا الى حصل انت ووجهك احد يمزح بهالسوالف (( عاد دور وجه نزال يلعن ام الاحراج ) قالت حاولو يذبحوني بس انا شقيت الشعيب بدت دموع نزال بالانهمار كانها سيل وهاتك ياانواع السعابيل البنت من كثر ماشافته متاثر وسعابيله تقوطر قامت تمسحله يوم لمست يديها خشمه حس انه حنان الدنيا كله بيدها الرجال سوى الزير سالم وقال انا اوريك بهم (( يا ثور مامعك سلاح كلها عده ميكانيكي ) الرجال ناوي يذبحهم هديل قالتله خلينا نروح نبلغ الشرطه قال لاوالله غير اخذ حقك منمهم ( الله يستر بس )
الفصل الثالث
اثناء ماهم جالسين نزال يسمع صوت خشخشه وصوت ضحكات قريبه منهم هديل رمت نفسها بحضن نزال وقالت هذولي هم اتو الينا انتبه يانزال نزال يطبطب عليها ويقلها ماعليكي منهم والله غير امحطهم عن بكره ابيهم المهم شوي الى الاشرار مقابلين نزال الوجه بالوجه (في لفيس ) المهم قالو اسمع يا ورع عطنا البنت وانجو بحياتك قالهم تعقبون ياجحلط والله لو ماتدرجونها غير اخلي صوت المحط ينسمع من الرياض مير توكلو على الله احسلكم المهم قالوله ياورع حرام لو نمسك غير نخلي وجهك صحن قلابه بالزيت قال تعقبون اذا ماافتح وجيهكم مخرطه وبين شد وجذب بين نزال والاشرار وهديل المسكينه خايفه منسدحه بالشنطه حقت الموتر مسويه نفسها اسبير نزال قلهم دقيقه وراح السياره واخذ الواير ناوي يمغطهم وجا على جيته شوي الى ناقز عليه واحد من الاشرار عاد عددهم 3 بعارين ماهم اوادم ونزال ضعيف مسكين المهم ويستقبله نزال بمحطه على الظهر الى هوة يتصروع اح يلعن جدك قويه ذي ويمحطه نزال مره اخرى على مؤخؤته واذا بهي يصيح وهاتك يا تمحيط شوي الى ناقو الثاني ويستقبله نزال بركله على بطنه شوي الى هو يرجع من قو الركله وهديل يوم شافت الوضه زي كذس اخذت علبه فشار وحطت صوره نزال وقاعده تشجعه عاد نزال يوم شاف هديل تحمس هووجهه ابد تقول يعيد العويران وهو بموقف تسلل الرجال ماعاد يشوف احد قام يمغط بالاثنين قوه كفوف وبقوس مع شويه محط بالواير عاد الواير حار جدا جدا المهم يوم نقز الثالث ويخملك نزال ببقس على عينه شوي الى نزال يشوف الشمال جنوب يلعن ام البقس نزال ماعاد يشوف شي والله والشرير يعطي نزال بقس في المنطقه المحظوره ( على احشائه يعني ) الى ونزال يصيح اح اح اح يلعن جدك نزال المسكين يتصروع على الارض والله ويقومون الاشرار الثلاثه عليه عاد حاقدين عليه من اليوم وهو يمغط فيهم بالواير والله ويسحبون الواير شوي الى نزال يترجى مالها داعي ياعيال خلونا نحلها ودي محيييييييييييط شوي الى نزال يفر محله تقول كامري تنطل وهاتك ياانواع التمحيط وانواع الركل والبقوس حرام ماتعرف وجه نزال من رجله من كثر مافقعو وجهه هديل المسكينه نقزت لنزال وقاعده تصحيه الرجال من صرع مسكين حالته حاله مابقو به ضلع لعن الله اشكالهم حرام تقول كلاب تجمعو على بس وهاتك يا ترفيع لين فقد نزال الوعي والله واخذو هديل وهي تصرخ نزال نزال الحقني وين يلحقبك الرجال يبيله 3 مستشفيات حتى يعدلون الى به من كسور ...............
الفصل الرابع
نزال فاقد الوعي منطول على الارض المهم ابو نص ساعه الى نزال صاحي اح يا ويلي ويلاه الله لا يعطيهم عافيه ملخوه تمليخ والله ويقوم على حيله تذكر هديل المسكينه والله ويفسخ ثوبه ويلبس برمودا وطقم ريال مدريد ويلبس رقم 11 ( راس حربه الرجال ) والله وياخذ وايره وينطلق ورى الاشرار المهم جا الى هم يبون يذبحون هديل المسكينه وهي تون نزال نزال واالله ويرقى فوق الشجره وينقز على الشرير الى عطاه بقس على عيونه ويمغطه بالواير على ظهره شوي الى هو يتصوروع والله ويمحطلك ابو الاشرار عن بكره ابيهم رفع فيهم لين قالو هذا هو نجم سهيل لمعهم تلميع والله ويربطهم زي السلق وياخذ هديل ويسحبهم لين سيارته والله ويحطهم في الشنطه ويمشي ويسلمهم للشرطه والله وياخذوهم الشرطه ويقولون لنزال الله يعطيك العافيه صراحه انت مثال للمواطن الصالح جزاك الله خير ومن ذا الكلام المهم كبرو براس الرجال لين تفلت يبي يروح يضرب الاشرار مره ثانيه قله الضابط عطيناك وجه حرام لااحطك معاهم شوي الى هو لابد المهم ارسلو الشرطه دوريه يدورون عن ابو وام هديل وحصلوهم على قيد الحياه الاشرار مااذبحوهم بس هديل الله يهديها فاهمه الموضوه غلط والله واجتمع شمل الاسره وابو هديل قام يشكر بنزال ويثنى عليه ونزال مااحد قده فاك فمه قاهد يهايط يقول انا سويت وسويت وابو هديل يطالع بعيونه قله من ايش هذي قال لا بس انا عيوني من اول تعورني اخص يالكذوب مايبي يقله الشرير صكي بقس على عيوني والله وضحك المجيع وكان الجو ماطرا .... وللحين نزال يهايط بسالفته والبنسه لهديل بينهم مكالمات شكله ناوي يتزوجها انتهى القصه 
نزال والاشرار
