افتح شبابيك الغلا جبيتك اليوم
بحساس من زود الغلا وده يطير
جيتك مثل طفل له ايام محروم
عن حضن امه بعدته المقادير
وجيتك مثا عوداً له ايام مهموم
وده يلاقي باآخر العمر تقدير
متى تحس يالغالي ان الهوى شيء مقسوم
من قسمته الخالق على خلقه يصير
لي في هواك أحلام وآمال وعلوم
وأحزاب وأصحاب وقصيد وجماهير
وهموم وأفكار وهواجيس وحلوم
ودروب وأخطار وعذاب ومشاوير
وحب وغلا وإخلاص ومعاند ولوم
واحساس والهام وشعور وتفاكير
وصحبه وسهر ومقاطعة لذة النوم
وأشواق جياشة وعشق وتعابير
في ذمتك مابان لك شيء مكتوم
من بعد ماصورت الأوضاع تصوير
لاتحسب أنك شيء عابر ومعدوم
وتاريخ وحبك فلق كل الأساطير
في كل شيء اتخيلك وأسمعك دوم
وأتأملك في الوقت الأول والآخير
من ماضي الايام ليومك اليوم
وغلاك عندي ماحصل فيه تغيير
وانا والله فيك مااقبل البيع والسوم
ولاارضي علي ولا عليك المخاسير
لأني الوحيد اللي على بحرك اعوم
واللي عرف مرساه في رحلة السير
حبيبي اقبل قبل يسبقي النوم
وبضمك لصدري لين تصبح على خير
ودمتم سالمين . . . .
تحياتي واشواقي لكم . . . .
أحــــــــــــبــــــــــــــــــــــك . . . . . .
