يحكى بان هناك شخص يعاني من احدى الامراض,,وقد اخبرته اللجنه الطبيه بعدم قدرته على الشفاء الا بقدرة قادر,,فكتب هذه القصيده لصاحبه يطلب منه بان يحتضن حبيبته بعد موته وينسيها اياه ,,
أخليكم معها
7
7
وصاتي لـك مـن بعـدي
تمـوت فيهـا علشـانـي
أبيها تعيـش وتحيـا بـك
و اظـل بالذاكـره مفقـود
وصاتـي لــك تنسيـهـا
ملامح وجهـي و تنسانـي
وتعزفهـا قصيـدة حــب
على ع** اللي عزفته بعود
وصاتـي لــك تبعـدهـا
عـن أشعـاري و قيفانـي
تراهـا مغرمـه بالحـيـل
ويشهد لي عـدد الـردود
وصاتي لـك تس***هـا
ترى فيهـا مـن أحزانـي
طلبتـك لا يضيـق بالـي
طلبتك و الطلـب مـردود
وصاتـي لــك تناديـهـا
حياتي,,عمري,,أزمـانـي
أنــا عودتـهـا دايــم
أدلعهـا و أنـا مـوجـود
وصاتـي لـك تعاملـهـا
بطيبه وقلـب و إحسانـي
تراهـا تـذرف الدمـعـه
و دمعهـا بلـيـا حــدود
وصاتـي لـك تحفظـهـا
سـور و آيـات قـرانـي
وتخبرهـا عـن المـيـت
رحـل لايمكنـه بيـعـود
وصاتـي لـك ترسمـهـا
علـى قبـري و أكفـانـي
أبيـهـا لـوحـه تبـقـى
على طول الزمن محـدود
وصاتـي لـك تمازحـهـا
وتشوف الضحكه باسنانـي
سعيتك ياحظـك هالكـون
طلبتك لا تصيـر جلمـود
وصاتـي لـك تقهويـهـا
مـن دلالـي و فنجـانـي
تراهـا تعشـق السـمـرا
ويكفيهـا دخـون الـعـود
وصاتـي لـك تركبـهـا
على خيلي وعلى حصانـي
وربى فارسـه مـن قلـب
شهـاده ماهـي لشـهـود
وصاتـي لـك تسفـرهـا
بـلاد الشـام و لبنـانـي
ترى يحليلها تقطـف ورده
ورده مـن بلـد الـورود
وصاتـي لـك تراقصهـا
علـى ألحـان رحبـانـي
تـرى فيهـا عـرق خـال
وفيها مـن جنـون السـود
وصاتـي لــك تحببـهـا
فأبـو نـوره بعـد هانـي
وتنسيهـا نــدم غلـطـه
انا فيهـا تـرى المقصـود
وصاتـي لــك تكـرهـا
فـي تاريخـي و عنوانـي
أبيهـا تلـعـن اللحـظـه
وتلعن كل فـرح موعـود
و تخلينـي أنـا الظـالـم
و انا من حـرق الأخـدود
وصاتـي لـك تشبهـنـي
بــدم أحـمـر قـانـي
وأنـا هالقاتـل السـفـاح
مجرم من عصر النمـرود
وصاتـي لــك تحلفـهـا
تتـوب تحبـنـي ثـانـي
قصيدةعلى الفراش الابيض
